Bakı Şəhər Mədəniyyət Baş İdarəsi, Kürdəxanı qəsəbə Mədəniyyət evi 26 fevral-Xocalı Soyqırımının 29-cu ildönümünə həsr olunmuş "Xocalı Soyqırımı bütün bəşəriyyətə qarşı törədilmiş cinayətdir" adlı videoçarx hazırlayıb.

Müharibə bəşəriyyətin ən pis xəstəliyi, soyqırım isə heç sağalmayan yarasıdır. Bu cür işğalçı qəsbkarlıq qan-xəta, ölüm-itim, fəlakət, dağıntı və dəhşətli faciələri ilə yadda qalır. Ona görə də yaraları dərin və sağalmaz iz buraxır.

Tarixin elə ağrı-acılı, qanlı-qadalı səhifələri olub ki, onların dəhşətləri zaman keçdikcə üzə çıxır, yaralarından qan süzülür, sağalmasına heç bir ümid qalmır. Elə Xocalı müsibəti kimi!

Azərbaycan xalqının XX əsrdə üzləşdiyi dəhşətli Xocalı faciəsi yalnız Holokost, Xatın, Lidisa, Oradur, Sonqmi soyqırımı kimi insanlıq tarixinə düşmüş qanlı olaylarla müqayisə oluna bilər.

Xocalı faciəsi təsadüfi hadisə deyil. Xocalı faciəsini törətməklə ermənilər xalqımızı qorxutmaq, mübarizə əzmini qırmaq, tarixi torpaqlarımızın bir qisminin itirilməsi ilə barışmağa məcbur etmək istəyiblər. Lakin hiyləgər düşmən məqsədinə çata bilməyib. Xalqımız öz dövlətinin suverenliyi və ərazi bütövlüyü uğrunda mübarizədə daha da mətinləşdi, qəhrəmanlıq və dəyanət nümayiş etdirib. Biz məğrur xalqıq. Biz dözümlü xalqıq. Bunu illər keçməsinə baxmayaraq sübut etdik.

Düz 29-cu ildönümünə qədəm qoyub Xocalı! Nə az, nə çox. Ancaq buna baxmayaraq biz qalib gəldik. 28 illik həsrətdən sonra Xocalı ağrısı, Xocalı yarası yaddaşımıza həkk olsa da, bizə geri dönüb. Ali Baş Komandamız Cənab İlham Əliyev, müzəffər ordumuzun və əlbəttə ki, məğrur, cəsur xalqımızın iradəsi, dözümlüyü sayəsində bütün Qarabağ torpaqlarımız geri alınıb.

İndi çox qürurla Qarabağ Azərbaycandır! deyə bilirik və hər birimiz Azərbaycanlı olmağımızla fəxr edirik.

Videoçarxa aşağıdakı keçidlərdən baxa bilərsiniz.

https://m.facebook.com/story.php?story_fbid=493671585351930&id=100041272773401  

https://www.instagram.com/tv/CLuYLGPBv7_/?igshid=1ipmqwb4l5re6

https://youtu.be/APqH-nrs0OM