İmamverdi Barat oğlu Əliyev 1950-ci il oktyabr ayının 1-də İmişli rayonunun Qulubəyli kəndində anadan olub. 1969-cu ildə Kürdmahmudlu kənd orta məktəbini bitirib, sonra İmişli rayonu Hərbi Komissarlığının göndərişi ilə Saatlı rayonunda sürücülük kursuna gedib. 1970-ci ildə həqiqi hərbi xidmətə çağırılıb. 1972-ci ildə ordudan tərxis olunduqdan sonra Bakı şəhəri Yasamal rayonunun Daxili İşlər Şöbəsində sürücü-milis nəfəri kimi işə başlayıb, 1973-1977-ci illərdə Bakı Maliyyə-Kredit Texnikumunda təһsil alıb. 1978-ci ildə isə Bakı Xüsusi Milis məktəbinin kursantı olub. Zabit rütbəsi ilə 1980-ci ildə İmişli rayon DİŞ-də mühafizə bölməsində baş inspektor vəzifəsində çalışıb. 1987-ci ildən İmişli rayonunda qanunçuluğun keşiyində durub.

Daһa sonra məlum Qarabağ hadisələri başladıqda, 1991-ci il 15 noyabr tarixində Cəbrayıl rayonunun müdafiəsində dörd erməni tankını məһv edib, Hadrud rayonunun Şaqax kəndi yaxınlığında iki yüz azğın düşmənə qarşı on altı saat döyüşüb, 28 nəfər erməni quldurunu məhv edib. Bu döyüşdə İmamverdi Əliyev özü də şəһid olub. İmişli rayonunda dəfn edilib.

Azərbaycan Respublikası Prezidentinin 1992-ci il 8 oktyabr tarixli 264 saylı Fərmanı ilə Əliyev İmamverdi Barat oğlu ölümündən sonra “Azərbaycanın Milli Qəhrəmanı” fəxri adına layiq görülüb.

Rayonda İmamverdi Əliyevin adını daşıyan küçə var. Doğulub boya-başa çatdığı Qulubəyli kənd orta məktəbi onun adını daşıyır. İmişli rayon Daxili İşlər Şöbəsi binasının önündə büstü qoyulub.