Xörək hazırlamaq prosesi bezdirici və ya monoton omamalıdır. Biz Sizə bu gün ən gözəl və dadlı mətbəxi olan ölkələrin siyahısını təqdim edirik. Gəlin, birlikdə səyahətə başlayaq!

Yunanıstan mətbəxi. Yunan mətbəxində Aralıq regionu üçün səciyyəvi olan zeytun yağı, tərəvəzlər və göyərtilərdən geniş istifadə olunur. Yunan mətbəxinin sirri yeməkləri birlikdə bişirib yemək vərdişindən ibarətdir. Yunanlar yaxşı yeməyi sevir; bu səbəbdən onlar dadlı mətbəxi çox qiymətləndirir. Ona görə yunanların milli xörəkləri olan gözəl qızardılmış suvlakini yemək üçün uzaq bir məsafədə yerləşən restorana getməyə hazır olduqları bizi təəcübləndirməməlidir.

İspaniya mətbəxi. İspan mətbəxi  bizi ət, balıq və tərəvəzlərdən hazırlanmış xörəklər ilə valeh edir. Onun orijinal dadına görə biz keçmiş vaxtlarda İberiya yarımadasında yaşayan insanlara minnətdar olmalıyıq. İspan mətbəxi paelya və qaspaço kimi xörəklər ilə məşhurdu.

Yaponiya mətbəxi. Yapon mətbəxi təbii və ahəngdardır, dünyanın ən sağlam mətbəxi hesab olunur. Dünyanın bütün ölkələrində suşi barların sayı sürətlə artır. Ağ düyü və soya demək olar ki, bütün xörəklərdə istifadə olunur. Yaponiya mətbəxi öz gözəl dadı, qeyri-adi forması, bəzi məhsulların isə çiy-çiy istifadə olunmasına görə bizi təəcübləndirir. Bu mətbəxdə balıq çiy istifadə olunduğu üçün bəzi insanlar yapon yeməklərini əlverişli hesab etmir.  Süfrəyə verilən böyük zövq ilə bəzədilmiş yeməklər pozitiv emosiyalara təkan verir və nəticə etibarı ilə gözəl əhval-ruhiyyə yaradır.

Meksika mətbəxi. Son illər ərzində hitə çevrilib. Meksika mətbəxi bol ədviyyatlı və acılı yeməkləri ilə məşhurdur.

Hindistan mətbəxi. Daha bir qabaqcıl  və rəngarəng mətbəx hesab olunur. Şübhəsiz ki, o, dünyanın ən gözəl vegetarian yeməklərini təklif edir. Tipik hind yeməyi  əsasən salat kimi qəlyanaltı, əsas yemək, tərəvəz və düyü ilə yeyilən çapati çörəkdən ibarətdir. Hind camaatının dediklərinə görə, yemək onların Allahları tərəfindən göndərilən hədiyyədir və bu səbəbdən onun hazırlama prosesi çoxlu vaxt və diqqət tələb edir.

İtalyan mətbəxi. Bizim eramızdan əvvəl dördüncü əsrdən başlanğıc götürən bəzi İtalyan yeməklərində ətir gücləndirən inqrediyentlər arasında sarımsaq, zəfəran, oreqano, çaxır və zeytun yağı var. Yeməklər o qədər qəliz deyil, lakin buna baxmayaraq bizi gözəl ətir və müxtəliflik ilə valeh edir. O, günəş işığında yetişən təzə göyərtilər, pomidor, bibər və soğanın sözlə təsvir edilə bilməyən ətri necə də gözəldir! İtaliyanın simvoluna çevrilən spagetti və pizza reseptlərindən mütləq yararlanın!

Fransız mətbəxi. Yemək orta fransızın gündəlik həyatının ayrılmaz hissəsi, elementi sayılır. Fransızlar öz ölkələri və onun nemətlərini bütün dünyada tanıdıblar. Fransanın ən məşhur yeməkləri olan tart, soğan supu və ya baqeti, hətta qurbağa ayaqları, müxtəlif pendir çeşidləri bütün dünyada sevilir. Restoranların çox olduğu ölkənin paytaxtı Parisdə 5 min restoran mövcuddur.