Ölkəmizin cənub bölgəsinin bənzərsiz mətbəxi həmişə öz zənginliyi ilə seçilir. Bölgədə təkcə düyüdən 21 növ plov hazırlanır. Düyüdən hazırlanan yeməklər içərisində ən qədimi düyü löküsü hesab edilir. Yüksək kalorili təamlardan olan, qədimdə od üzərində bişirilən düyü löküsü bir az müasirləşsə də, əvvəlki dadını itirməyib.

Cənub bölgəsinin mətbəxində ən dadlı təamlardan biri olan Düyü löküsünün reseptini təqdim edirik. 

Tərkibi:

800 qram düyü

1 stəkan kərə yağı

2 stəkan süd

1 qaşıq şəkər tozu

3 ədəd yumurta

Duz

Hazırlanması:

Bir gün əvvəl isladılmış və əl daşından keçirilmiş 800 qram düyüdən alınan una 1 stəkan kərə yağı, 2 stəkan süd, bir qaşıq şəkər tozu, duz,  və 3 ədəd yumurta elavə edilib qarışdırılır.  Bu qarışım daha sonra yağlanmış isti tavaya elavə edilərək sobaya qoyulur.Bunu iki undan bişirirlər, biri qarğıdalı unu, digəri düyü unu. Qarğıdalı unundan daha dadlı olur. Yüksək kolorili yeməklərdən olan - lökü Lənkəranda ən sevilən delikateslərdən sayılır. Qədimdə od üzərində bişirilən bu yemək biraz müasirləşsədə dadını itirməyib. 45 dəqiqə gözlədikdən sonra bu ləziz çörəyin dadına baxmaq olar.

Qeyd edək ki, bu ləziz təamı daha çox səhər saatlarındə və şirin çayla servis edirlər.

Nuş olsun!