Bakı Şəhər Mədəniyyət Baş İdarəsinin tabeliyində olan Aşıq Rza Qobustanlı adına Mədəniyyət evində çağdaş Azərbaycan ədəbiyyatının və ümumtürk poeziyasının görkəmli simalarından olan şair Rüstəm Behrudi ilə görüş keçirilib.

Görüşdə şairin həyat və yaradıcılığından bəhs edilib. Bildirilib ki, Rüstəm Behrudi yaradıcılığında türkçülük və dərviş fəlsəfəsi üstünlük təşkil edir. Şair "Yaddaşlara yazın", "Salam, dar ağacı", "Şaman duası", "Yer üzü görüş yeridi", "İblis mələkdən gözəldi", "Tənhalıqda ölüm qorxusu yoxdu", "Din sevdim din üstünə", "Bir dəli ayrılıq kimi" və sair şeir kitablarının, "Göz yaşlarından baxan Allah" adlı fəlsəfi-publisistik kitabının müəllifidir. Şair dövri mətbuatda şeir və publisistik yazıları ilə fəal çıxış edir.

Rüstəm Behrudi çıxışında ona göstərilən diqqətə görə tədbir iştirakçılarına təşəkkür edib, imzalı kitablarını oxuculara təqdim edib.