Azərbaycan Kinematoqrafçılar İttifaqı “AKİDocs – sənədli filmin inkişafı və pitçinq” beynəlxalq layihəsinə müraciətlərin qəbulunu açıq elan edib.

İttifaqdan AZƏRTAC-a bildirilib ki, təlimin dili ingilis dili olduğu üçün layihəni təqdim edən heyətdən ən azı bir nəfərin ingilis dilini bilməsi şərtdir.

Qəbul və dərslər ingilis dilində aparılacaq. Layihəyə müraciət aprelin 17-də başa çatacaq. Pitçinqdə qalib olan layihələr və onların inkişaf etdirilməsi məqsədilə pul mükafatı ilə təltif ediləcəklər. Layihə aprelin 22-dən 28-dək reallaşdırılacaq.

Sənədli film layihəsini müəyyən qədər inkişaf etdirmiş, əlində mövzunun araşdırma materialları olan kinematoqrafçılar üçün nəzərdə tutulan bir həftəlik layihə, inkişaf emalatxanasıdır. Layihə ərzində sinopsisin, loqlaynların inkişafı məqsədilə intensiv dərslər keçiriləcək və iştirakçıların ingilis dilində pitçinqə hazırlığı baş tutacaq. Layihəyə tamhüquqlu iştirakçılardan əlavə, 3 nəfər azad dinləyici də seçiləcək. Lakin onlar pitçində iştirak etməyəcəklər,

Əlavə suallara bu ünvandan - [email protected] cavab ala bilərsiniz.