Pablo Nerudanın adı Qabriela Mistral, Visente Uidobro və Pablo de Roka ilə birlikdə Çili poeziyasının böyük dördlüyünə daxil edilib.

XX əsr dünya poeziyasının korifeylərindən sayılan Pablo Neruda 1904-cü ilin 12 iyulunda Çilinin mərkəzi hissəsindəki Parral şəhərciyində, dəmiryolçu ailəsində dünyaya gəlib. Orta məktəb müəllimi olan anasını erkən itirib və atası ikinci dəfə ailə qurub. Daha sonra ailə Çilinin cənubundakı Temuko şəhərinə köçüb. Şeir yazmağa 10 yaşında başlayıb. İki il sonra məşhur çilili şairə və ədəbiyyat üzrə 1945-ci ilin Nobel mükafatçısı Qabriela Mistral ilə tanış olub və bu tanışlıq onun bir şair kimi yetişməyinə güclü təsir göstərib. 1920-ci ildə gənc şairin şeirləri "Selva austral" dərgisində çap olunub. Əsl adı Rikardo Elieser Neftali Reyes Basolmo olan şair təxəllüsünü çex yazıçısı Yan Nerudadan götürüb. 

1921-ciildə Pedaqojiİnstitutunfransızdili şöbəsinə qəbulolub. Pablo Nerudanın 1923-cü ildə ilk şeirlər kitabı işıq üzü görüb. 1927-ci ildə Çili hökuməti onu Birmaya konsul göndərib, daha sonra digər ölkələrdə də diplomatik fəaliyyət göstərib. 1936-cı ildə Çilidə başlayan vətəndaş müharibəsi zamanı Neruda bir çox incəsənət adamı kimi respublikaçıların tərəfinə keçib. 1969-cu ildə Çili Kommunist partiyası onu ölkə prezidentliyinə namizəd irəli sürüb, daha sonra bu namizədlik sosialistlərin namizədi Salvador Alyendenin xeyrinə geri götürülüb.

Yaradıcılığı ilə Latın Amerikası şeirinə yeni nəfəs gətirən, lirik-romantik, eyni zamanda siyasi və vətəndaş şeirləri yazan, dünya şöhrətli şair 1971-ci ildə ədəbiyyat üzrə növbəti Nobel mükafatına layiq görülüb. Mükafat çilili şairə "şeirlərində bütöv bir qitənin taleyini böyük sənətkarlıqla təsvir edə bildiyinə görə" verilib.

Bəzi mənbələrə görə qətlə yetirilən Pablo Neruda 1973-cü ildə dünyasını dəyişib.

Tanınmış şair Pablo Nerudanın məşhur kəlamlarından bir qismini təqdim edirik:

Köhnədən xəyallarımız vardı, reallaşdırmağı ümid etdiyimiz. İndi buraxın reallaşdırmağı, ümid edə bilmək ən böyük xəyalımız oldu.

Yalnız bir səbir çatdırar bizi möhtəşəm bir xoşbəxtliyin qapısına.

Biz şairlər nifrətdən nifrət edərik və döyüşə qarşı döyüşərik.

İnsanlarla üz-üzə danışaraq hər problemi həll edə bilərsən, amma bəzi insanlar gəlir önünə, hansı üzünə danışacağını bilə bilməzsən. 

Bir qadın, deyiləsi çox şey olduğu halda susursa, kişi artıq bütün şansını itirib.

Şair, hər şeydən əvvəl yaşadığı cəmiyyətin problemlərinə qarşı gedərək, bütün dünya qarşısında məsuldur.

Bir gün bir yerdə təkrar qarşılaşsaq əgər, Mənimlə yenidən tanış ol.

Heç bir zaman anlaya bilməzsən gedən sevsə getməyi istərdimi?! Yaxşı, ya qalan sevsə, getməyinə icazə verərdimi?!

İnsanlar səninlə danışmadıqda arxanca danışarlar.