Hüseyn Hüseynzadənin adı fotoqrafiya sənəti ilə maraqlananlara yaxşı tanışdır. Bu tək ad deyil, milli fotosənətimizin brendidir.

Hüseyn Hüseynzadə dünyanı səyahət edir, ancaq onun əsas diqqət mərkəzində hər zaman doğma Azərbaycan dayanır.

Onun “Quba”, “Dağlıq Qarabağ”, “Xınalıq”, “Bakıda qış”, “Mal-qara bazarı”... kimi silsilələri məşhurdur. “Niva” maşını ilə o, ölkəmizin dörd bir yanını səyahət edib, onun ən ucqar nöqtələrində - Lahıcda, Naxçıvanda, Muğan düzündə... olub. Yol yoldaşı  fotoaparatı isə həmişəki kimi yol yoldaşı idi. Səyahət zamanı çəkilmiş bu kadrlar onun “Azərbaycan fotolarda” adlı 1966-cı ildə nəşr olunmuş böyük fotoalbomuna daxil edilib.

Professor Hüseyn Hüseynzadə 60-dan çox kitabın müəllifidir. Onun ilk kitabı 1964-cü ildə, fotoqrafın 29 yaşı olanda işıq üzü görüb və “Neft Daşları” adlanır.

Onun zəhməti və yaradıcılığı yüksək qiymətləndirilib, o, “Press-foto 62” Beynəlxalq Müsabiqəsində mükafata, Azərbaycan Jurnalislət İttifaqının “Qızıl qələm” mükafatına (1967), Berlində “İnterpressfoto” sərgisində mükafata layiq görülüb. O, həmçinin Azərbaycanda “İlin fotoqrafı” mükafatının laureatı olub.

Hüseyn Hüseynzadə özü haqqında danışarkən bunları söyləyib: “Bütün insanlar xoşbəxt anadan olurlar, lakin sonradan hamısı həyatda belə olmurlar. Mən xoşbəxtəm, çünki yarım əsrdən çoxdur ki, sevdiyim işlə məşğulam. O vaxtdan çox sular axmışdır,  sevimli Vətənimin odlu yerlərindən çox neft çıxarılmşdır. Şəhərin neft gücü bütün dünyaya məşhurlaşmışdı və valideynlərim arzulayırdı ki, mən neftçi olum. Uzaq 42-ci ildə mən ilk şəkillərimi çəkdim.  O vaxt müharibə gedirdi və neft mədənləri mənim fotoqrafiyalarımın ilk məktəbi və pleneri oldu. Hərçənd ki, elə də adi deyildilər, çünki köhnə apparat olan “Fotokor” ilə çəkirdim. Valideynlərimin istədiyi kimi, illər sonra neftkimya institutunu bitirdim. Ancaq tale elə gətirdi ki, əmək bioqrafiyamın əsas işi yenə də fotoqrafiya oldu. 1964-cü ildə nəşr olunmuş ilk kitab isə “Neft Daşları” adını aldı və Azərbaycanın dəniz neftçilərinə həsr olunmuşdur.

Şikayətlənmək mənim üçün günahdır – bir çox nəşriyyatlarda fotomüxbir işləyərək xeyli ölkələr və şəhərlər gəzmişəm, dağlarda olmuşam, doğma diyarın ən uzaq yerlərində olmuşam, sərgilərdə iştirak etmişəm, maraqlı insanlarla görüşüb, onlar vasitəsilə böyük fotoqrafiya sənətini  dərk etməyi öyrənmişəm!  Hərçənd bu günkü gündə 60 -dan çox albom və kitab nəşr olunub, amma mənə yenə də elə gəlir ki, ən yaxşı işlər hələ də öz zamanını və öz tamaşaçısını gözləyir. Çox inanmaq istəyirəm ki, fotopovestlər, fotohekayələr, fotoqrafiyalardakı nağıllar  – bütün bunlar tamamilə real və uzaq olmayan gələcəyin işləridir. Mənim şəkillərim  – həyatımın səhifələridir”.

Professor Hüseyn Hüseynzadə 2019-cu ildə iyulun 13-də uzun sürən xəstəlikdən dünyasını dəyişib.