1974-cü ildə Azərbaycan Dövlət İncəsənət İnstitutunun aktyorluq fakültəsini bitirib. Bir müddət "Azərbaycanfilm" kinostudiyasında rejissor köməkçisi vəzifəsində çalışıb.

1977-ci ildən isə Gəncə Dövlət Dram Teatrında aktyor kimi fəaliyyət göstərir. Ötən müddət ərzində Salam İsmayılov Cəfər Cabbarlının "Solğun çiçəklər", Nəriman Həsənzadənin "Atabəylər", Şıxəli Qurbanovun "Sənsiz" əsərlərində və digər tamaşalarda irili və xırdalı rollar ifa edib. 

Salam İsmayılov "Bizim küçənin oğlanları" (film, 1973), "Qocalar, qocalar... " (film, 1982), "Yük" (film, 1995), "Bir anın həqiqəti" (film, 2003), "Koroğlu" (film, 2003), "Acılar bitməz" (film, 2009), "Cavad xan" (film, 2009), "Aktrisa" (film, 2011), "Çölçü" (film, 2012), "Tək olanda qorxma..." (teleserial, 2013), "Qırmızı bağ" (film, 2016), "Yuxu kimi" (teleserial, 2019) kimi ekran əsərlərində çəkilib.

30 dekabr 2015-ci il tarixində Azərbaycan Respublikasının Əməkdar artisti fəxri adına layiq görülüb.

Salam İsmayılov eyni zamanda Teatr Xadimləri İttifaqının üzvü, "Qızıl dərviş" mükafatı laureatıdır.