Bakı Şəhər Mədəniyyət Baş İdarəsinin Səbail rayon Mərkəzləşdirilmiş Kitabxana Sisteminin Mərkəzi Kitabxanası Azərbaycan İstiqlal Muzeyi ilə birlikdə 26 iyun - Silahlı Qüvvələr Günü ilə əlaqədar tədbir keçirib. 

Azərbaycan İstiqlal Muzeyində keçirilən tədbirdə çıxış edənlər Silahlı Qüvvələr Gününün yaranma tarixi, Azərbaycan ordusunun şücaəti haqqında ətraflı məlumat veriblər. Həmçinin, Azərbaycan xalqının mədəni-tarixi həyatındakı mühüm hadisələrdən, xalqımızın azadlığı uğrunda aparılan mübarizədən danışılıb. Daha sonra videoçarx nümayiş olunub, kitabxananın fondunda isə mövzu ilə bağlı kitablar təqdim edilib.