Aprelin 30-da  Bakı Şəhər Mədəniyyət Baş İdarəsi Səbail rayon  Mərkəzləşdirilmiş  Kitabxana Sisteminin Mərkəzi Kitabxanası Azərbaycanda 2021-ci ilin "Nizami Gəncəvi İli" elan edilməsi haqqında Prezidentin 5 yanvar 2021-ci il tarixli Sərəncamına əsasən "Nizami söz və  sənət haqqında" adlı onlayn tədbir keçirib.

Tədbirdə AMEA Gəncə bölməsi Nizami Gəncəvi  Mərkəzinin  böyük elmi işçisi, filologiya üzrə fəlsəfə doktoru Əlimuxtar Muxtarov, AMEA Nizami Gəncəvi adına Ədəbiyyat İnstitutunun Nizamişünaslıq şöbəsinin aparıcı elmi işçisi  filologiya üzrə fəlsəfə doktoru, dossent Təhminə Bədəlova, AMEA Nizami Gəncəvi adına Milli Azərbaycan Ədəbiyyatı Muzeyi, Mətbuat və İnformasiya şöbəsinin müdiri, filologiya üzrə fəlsəfə doktoru  Nəzmiyyə Yigitoğlu, Antalya-Azərbaycan Kültür və Dayanışma Dərnəyinin sədri Ceyran Səttarova, Gəncə MKS-nin direktoru Elmira Əliyeva, direktor müavini Fəridə Qədimova, MKS-in Kitabişləmə və komplektləşdirmə şöbəsinin müdiri Gülnaz İsgəndərova, MKS-in operatoru Nərmin Quliyeva və Səbail MKS-in işçiləri iştirak ediblər. Tədbirdə "Nizami ideyalarını özündə yaşadan ədəbi-bədii nümunələr", "Nizami söz  və sənət haqqında", "Nizami və dünya ədəbiyyatı", "Nizami Gəncəvini dünya necə tanıdı" mövzularında çıxışlar olub, böyük hikmət sahibi olan Nizami Gəncəvinin əsərlərində insanın kamilləşməsində elmə, biliyə, kitaba, tərbiyəyə yüksək yer verildiyi xüsusilə vurğulanıb, cari ilin "Nizami Gəncəvi ili" elan edilməsi Azərbaycançılığa, onun tarixinə və mədəniyyətinə olan ehtiramın təzahürü olduğu qeyd edilib.

Diqqətə çatdırılıb ki, bəşəri dəyərləri vəsf edən, yaradıcılığı bütün bəşəriyyətə məxsus olan böyük Nizami Gəncəvinin irsini təbliğ edən layihələr ölkə Prezidentimiz İlham Əliyevin rəhbərliyi ilə 2021-ci ildə davamlı olacaq.

Sonda Nizami Gəncəviyə həsr olunmuş ekspozisiya zalına virtual səyahət edilib.

Tədbirə aşağıdakı keçidlərdən baxa bilərsiniz:

https://facebook.com/story.php?story_fbid=2113955908756637&id=100004267441394

https://www.instagram.com/p/COVuSkJBFLQ/?igshid=17rhbzbqa1n3v