Bugün M.Maqomayev adına Azərbaycan Dövlət Akademik Filarmoniyasının Yay zalı Maestro Niyazinin doğum günü musiqi sehri ilə dolacaq.

SSRİ Xalq artisti, dahiyanə dirijor və bəstəkar Maestro Niyazi bir zamanlar məhz belə açıq səma altında konsertlərin keçirilməsi ideyasını gerçəkləşdirmişdi. Bu gün isə həmin ənənə onun xatirəsinə ehtiramla davam edir.

Xalq artisti Yalçın Adıgözəlovun dirijorluğu ilə səslənəcək Niyazi adına Dövlət Simfonik Orkestri və Ü.Hacıbəyli adına Dövlət Simfonik Orkestri tamaşaçıları musiqinin sehrinə qərq edəcək. Səhnədə Üzeyir Hacıbəyli, Qara Qarayev, Vasif Adıgözəlov, Asəf Zeynallı və əlbəttə ki, Maestro Niyazinin öz ölməz əsərləri səslənəcək.

Bu konsert – sadəcə bir tədbir deyil. Bu, Niyazinin ideyalarının, musiqisinin və ruhunun canlı yaşaması deməkdir.