Azərbaycanın Xalq artisti Məbud Məhərrəmov 12 mart 1957-ci ildə Bakı şəhərində anadan olub. 1978-ci ildə Azərbaycan Dövlət İncəsənət İnstitutunun “Dram-kino aktyoru” fakultəsini bitirib. Elə həmin ildən Səməd Vurğun adına Rus Dram Teatrında aktyor vəzifəsində işləyir. Bu illər ərzində teatrın səhnəsində 50-dən çox rol oynayıb, bir çox filmlərdə çəkilib.

Onun yaratdığı: Ağasaf (M.İbrahimbəyov “Gənc qadın üçün kişi”), Əmrah (“Hidayət "Mənzil”), Ər (Elçin “Mənim ərim dəlidir”), Şut (U.Şekspir “Kral Lir”) kimi obrazları aktyorun rəngarəng yaradıcılıq palitrasının nümunələrindəndir.

M.Məhərrəmov 2000-ci ildə “Azərbaycan Respublikasının Əməkdar artisti”, 2006-cı ildə isə “Azərbaycan Respublikasının Xalq artisti” fəxri adlarına layiq görülüb.