Yasamal rayon Heydər Əliyev Mərkəzinə ekskursiya təşkil edilib

Mayın 16-da Bakı Şəhər Mədəniyyət Baş İdarəsinin Yasamal rayon Heydər Əliyev Mərkəzi Yasamal rayonunda yerləşən 2 saylı Bakı Baza Tibb kolleci və Azərbaycan Dövlət Pedaqoji kollecinin tələbələri üçün ekskursiya təşkil edib.

Tələbələr Mərkəzin “Muzey” və “Kitabxana və İnformasiya Texnologiyaları” bölmələri ilə tanış olublar, burada onlara Mərkəzin bələdçiləri tərəfindən Azərbaycan xalqının ümummilli lideri Heydər Əliyevin şərəfli ömür yolu, ölkəmizin tərəqqisi uğrunda göstərdiyi çoxsaylı xidmətləri özündə əks etdirən eksponatlar, fotoşəkillər və kitablar haqqında ətraflı məlumat verilib.