Aprelin 4-də Bakı Şəhər Mədəniyyət Baş İdarəsinin Qaradağ rayon Heydər Əliyev Mərkəzində Aprel döyüşlərinin anım günü ilə bağlı rayon məktəblərinin çağırışaqədərki hazırlıq fənni üzrə hərbi rəhbərləri ilə görüş keçirilib.

İlk olaraq müəllimlər Ulu Öndərin həyat və fəaliyyətini əks etdirən ekspozisiya zalı ilə tanış olublar. Mərkəzin əməkdaşları tərəfindən onlara Ulu Öndərin zəngin həyat yolu və siyasi fəaliyyəti haqqında geniş məlumat verilib.

Tədbirdə qeyd olunub ki, 2016-cı ildə aprelin ilk günlərində ermənilərin növbəti xain təxribatlarına cavab olaraq əks-həmlə əməliyyatı həyata keçirən rəşadətli Azərbaycan Ordusu minlərlə hektar ərazimizi işğaldan azad edərək öz gücünü, döyüş əzmini və yüksək peşəkarlığını bütün dünyaya nümayiş etdirib.

Görüşün əsas məqsədi gənc nəsli vətənpərvərlik ruhunda tərbiyə etmək, uşaqlara təhsil, elm verməklə yanaşı, həm də onları yetkin bir vətəndaş kimi yetişdirmək, onlarda vətənə, torpağa sədaqət, lazım gələrsə, Vətən yolunda şəhidliyə hazır olmaq ruhunu aşılamaqdır.