Bakı Şəhər Mədəniyyət Baş İdarəsi Nizami rayon Mərkəzləşdirilmiş Kitabxana Sisteminin Mərkəzi Kitabxanasının Azərbaycanın milli baş geyimi papaq haqqında videoçarx hazırlayıb.

Papaq Azərbaycanda  milli baş geyimi sayılır. Digər Qafqaz xalqları arasında da geniş yayılıb.

XX əsrin əvvəllərinə qədər papaq Azərbaycanda baş geyimi olmaqla yanaşı, həm də simvol sayılıb. Cəsarət, ləyaqət və şərəf rəmzi hesab olunub. Hətta bir kişinin papağının oğurlanması onun sahibinə qarşı düşmən hücumu kimi qiymətləndirilib. Keçmiş zamanlarda kişilər istənilən halda papağı başlarından çıxarmırdılar. Çünki ictimai yerlərdə baş geyimi olmadan görünmək rüsvayçılıq kimi dəyərləndirilib.

Azərbaycanda papaq əsasən qoyun xəzi və ya qaragüldən hazırlanıb və onların müxtəlif formaları və yerli adları mövcüd idi. XIX əsr kişi baş geyimləri içərisində aşılı qoyun dərisindən tikilmiş papaq xüsusi yer tuturdu. İmkanlı kişilər, əsasən, «qaragül» dərisindən sür papaq tikdirərdilər. Qədimlərdən üzü bəri hər kişinin başında börk olması əsas şərt idi. Kişidə börk (papaq), arvadda isə ləçək (çarqat) şərafət nişanəsi sayılıb. Papağa və ləçəyə hörmətsizlik müqəddəslərə və namusa hörmətsizlik kimi qiymətləndirilib. Buna görə də heç vaxt kişinin papağı başından əskik olmazdı. Hətta oğlan uşaqlarının da özünəməxsus papaqları olurdu. Bu papaqlara "tərlik" deyərdilər. Ancaq tərlik papaq qədər qalın olmazdı, bir qat toxunmuş açıq qırmızı forması olardı və bu papaq formasının Səfəvi hökmdarlarının "Qızılbaş" ordusundan qaldığı deyilir.

Mövzu ilə bağlı videoçarxı aşağıdakı keçidə daxil olaraq baxa bilərsiniz:

https://youtu.be/5dVEzpsM5co