Qədim dövrlərdə insanların yaratdığı ən möhtəşəm əsərlərdən biri olan Misir Ehramları bu gün də özlərinin sirlərini qoruyub saxlamaqdadır. Dünyanın 7 möcüzəsindən biri sayılan Xeops piramidasının da daxil olduğu Böyük Giza Piramidaları həm tarixi, həm də ehtiva etdikləri sirlərlə dolu bir hekayəyə malikdir.

 Misir ehramları barədə bilinməyən məlumatları təqdim edir.

Misir piramidaları Misiri idarə edən fironların adına tikilmiş qəbirlər və abidələrdir. Qədim Misir inancına görə, fironların axirət üçün özləri ilə aparacaqları bəzi şeylər var idi. Piramidanın dərinliklərində dəfn edilən fironun məzarının yanında həyatdan sonra ehtiyac duyacağı bəzi parçalar və xəzinələr qalırdı.

Bu günümüzədək 138 ehram gəlib çatıb. Bu ehramların bəziləri çox böyükdür. Onların arasında ən nəhəng tikililərdən biri Böyük Giza Piramidasıdır (Xeops Piramidası). Hündürlüyü 146 metr olan Böyük Giza Piramidası 3800 il ərzində insan əli ilə inşa edilən ən böyük tikili adını daşıyır. Dünyanın Yeddi Möcüzəsindən biri olan bu tikili çəkisi 5,9 milyon tona bərabər olan 2,3 milyon daş blokdan istifadə edilərək tikilib.

Giza piramidalarının tikilməsinə 20 ildən çox vaxt sərf edildiyi bildirilir. Tikintisində təxminən 200.000 işçinin çalışdığı güman edilir. Bu işçilərin heç bir texnoloji alətləri olmadığı üçün daşları kürəklərində daşımaqla və ya daşları itələməklə piramidaları tamamladıqları düşünülür.

Giza piramidaları əhəng daşlarından təşkil olunub və onların orta çəkisi təxminən 2,5 tondur. 200.000 işçinin o dövrdə qədər dünyanın ən hündür strukturu olan Xeops Piramidasını heç bir mexaniki alətin dəstəyi olmadan inşa edə bilməsi inanılmazdır. Piramidaları tikən işçilərin cəsədləri tapıldıqda onların onurğalarının ağlasığmaz dərəcədə böyük yüklərə məruz qaldığı üzə çıxıb. Bu, fəhlələrin nə qədər əziyyət çəkdiyini sübut edən bir detal kimi tarixə düşüb.

Piramidaların içərisində ultrasəs, radar və sonar kimi cihazlar işləmir. Çirklənmiş suyu bir neçə gün ərzində içəridə qoysanız, suyun təmizləndiyini görəcəksiniz. Həmçinin tikilinin içi yayda soyuq, qışda isə isti olur.

Piramida daxilində olan zibilin içindəki qida qalıqları heç bir qoxu yaymadan çürüyə bilər.

Mumiyaların tərkibində radioaktiv maddə olduğu üçün onları ilk kəşf edən 12 alim xərçəng xəstəliyindən vəfat edib.

Gizanın üç piramidası həndəsi və müşahidə məqsədi daşıyan plana əsasən inşa edilib.

Piramidaların bəzi otaqlarının içərisində nə olduğu barədə heç bir məlumat yoxdur. Tədqiqatçıların çoxu ya onun içində itib, ya da eyni yerdə fırlanıb, ancaq içini görə bilməyib.