Fransa maarifçilərinin görkəmli nümayəndəsi, şair, publisist, tarixçi, insan hüquqları müdafiəçisiVolter 21 noyabr 1694-cü ildə Parisdə anadan olub. Əsl adı Fransua-Mari Aruedir.

Adı tarixdə 100 ən çox öyrənilmiş şəxsiyyətlər siyahısına daxil edilib.

Volter üçüncü silkə məxsus olan ailədə anadan olub. O, feodal qaydalarına və katolik kilsəsinə qarşı çıxışları ilə şöhrət qazanıb. Volter yaradıcılığının əsas məqsədi maarifi yaymaq, xalqın beynindən dini xürafatları çıxarmaq vəzifəsini həyata keçirməkdən ibarət idi.

Volter ədəbiyyatı da unutmur. O, "Kandid" , "Sadəruhlu" romanları, eləcə də faciələr, komediyalar, pamfletlər və şeirlər müəllifidir.

F.Volterin müdrik kəlamlarını sizə təqdim edirik:

Biz heç vaxt yaşamırıq, biz yalnız ümid edirik ki, yaşayacağıq.

Qızlar hiss etməyi, oğlanlar düşünməyi öyrənməkdən daha öncə öyrənirlər.

Birinci ittiham atılır, ikinci toxunur, üçüncü yaralayır və dördüncü öldürür.

İş ideya üçün yaranmır - ideya iş üçün yaranır.

O, insan heç nəyə yararlı deyil - hansı ki yalnız özünə yararlıdır.

Hər zaman həzz almaq - həzz almamaq deməkdir.

İzah olunmuş zarafat zarafatlığını saxlaya bilmir.

Bir çoxu səhv düşünür, bəziləri heç düşünmür, qalanları düşünənləri pisləyir.

Özgəsinin sirrini demək satqınlıq ,öz sirrini açmaq isə axmaqlıqdır.

Dil həm də ona görə əhəmiyyətlidir ki, onun köməyi ilə biz öz fikirlərimizi gizlədə bilirik.

Sağalmaq ümidi - sağalmağın yarısıdır. 

Filosoflar üçün metafizik sistemləri, qadınlar üçün romanlar kimidir.

Xoşbəxtlik hər zaman arzudur - bədbəxtlik isə həmişə realdır.

Mən həqiqətin dostuyam amma heç də onun məzlumu olmağı arzu etmirəm.

Maddi və mənəvi problemləri özünə dərd eləməyən insanın həyatı xoş keçər.

Kasıblıq yox, nifrətdir dözülməz olan. Mən heç nəsiz yaşaya bilərəm, amma bunun kiminsə bilməsini istəmərəm.

Biz bu dünyanı tapdığımız kimi axmaq və qəddar tərk edəcəyik.

Böyük işlər üçün şiddətli daimilik tələb olunur.

İnsan həyatının bir dövründə aldanır, o biri dövründə aldadır. Başqa sözlə desək, dünyaya quzu kimi gəlir, tülkü kimi gedir.

Həyatın sonu kədərli, ortası heç nəyə yaramayan və başlanğıcı isə gülməli olur.

Göz yaşları—lal nitqdir.

Çox dil bilmək bir qıfıla bir neçə açarla yaxınlaşmaq imkanıdır.

Elmi abidələr sökülmür.

Hər yeni istək yeni bir kədər üçün başlanğıcdır.

Vicdan əzabı cinayətkarda sonradan qalan yeganə hissdir.

Bütün mənim səylərim ağılsızlığı insanlarda öldürmək və onlara dürüstlük əlavə etmək üçündür.

Təbii olan gözəldir.

Ciddi olmaq gözəldir - lakin biganə olmaq lazım deyil.

Yalnız zəiflər cinayət edir—güclü və xoşbəxt insanın cinayət etməyə ehtiyacı yoxdur.

Çalışmaq bizi bu üç şeydən qurtarar: Can çətinliyi, pis vərdişlər, yoxsulluq.

Həddsiz kiçik insanlar həddsiz təkəbbürlü olurlar.

Rəqabət - dahilik üçün qidadır.

Gözəlliyin isbata ehtiyacı yoxdur.

Vərdişə çevrilmiş əməllərə görə insan heç vaxt vicdan əzabı çəkmir.

Yaxşı danışmağı yaxşı yazan müəllifləri oxumaqla öyrənmək olar.

Qoy gənclər dünyanı xəyal etdikləri kimi görsünlər, böyüyəndə onsuz da necə olduğunu görəcəklər.

Məhəbbət bütün ehtirasların ən güclüsüdür, çünki o eyni zamanda başa, ürəyə və bədənə hakim olur.

Qocalıq axmaq üçün yük, nadan üçün – qış, alim üçün – biçin vaxtıdır.

Kişi evin beyni, qadın isə ürəyidir. 

Gözəl qadın insanın gözlərinə, gözəl xasiyyətli qadın isə ruhuna dinclik gətirir. 

Dövləti maliyyə qıtlığı deyil, istedadlı şəxsiyyətlərin azlığı zəif salır.

Şöhrət çox ağır yükdür və böyük insanlar bəzən bu yükə tab gətirməyib sınırlar.

Böyük insanlar çox vaxt böyük əməllərinə görə deyil, buraxdıqları səhvlərə görə xatırlanırlar.

Ən gözəl fikir də pis ifadə edildikdə qiymətini itirir.

Fikir azadlığı olmadan heç bir azadlıq ola bilməz.

Elm adamlarının qiymətini bilməyən, onlara layiq olduqları mükafatı verməyən ölkələr inkişaf edəcəklərinə ümid bəsləməsinlər.

Ehtiras – yelkənli gəmini hərəkətə gətirən külək kimidir, hərdən gəmini batıra bilər, amma onsuz üzmək də mümkün deyil.

Tanrım, məni dostlarımdan qoru, özümü düşmənlərimdən qoruyaram.

Öz nəfsinə hakim olan, dünyaya hökm edə bilər.

Hər insan, etmədiyi bütün yaxşılıqlara görə günahkardır.

Öz nəfsinə hakim olan, dünyaya hökm edə bilər.

Vəhşilər xaric, bütün insanlar, kitabların hökmü altındadır.