Azərbaycan Silahlı Qüvvələrinin əsgəri Şəmsəddin Sərvər oğlu Təhməzov Vətən müharibəsinin qəhrəmanlıq salnaməsində adı həmişə yaşayacaq şəhidlərimizdən biridir. O, 2001-ci ilin mart ayının 3-də Masallı rayonunun Güllütəpə kəndində anadan olub.

Həmişə ürəyi qisas hissi ilə yanan əsgər Şəmsəddin Təhməzov müharibənin ilk günlərindən döyüşlərə qatılıb və Ağdərə uğrunda vuruşub. O, oktyabrın 8-də Ağdərə istiqamətində düşmən tərəfindən atılan artilleriya mərmisinin partlaması nəticəsində aldığı qəlpə yarasından şəhid olub və Masallı rayonunda dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin 2020-ci il 15 dekabr tarixli Sərəncamına əsasən Şəmsəddin Təhməzov ölümündən sonra "Vətən uğrunda" medalı ilə təltif edilib.