Sadıq Əliabbas oğlu İbrahimov 23 dekabr 1945-ci ildə Bakıda anadan olub. M.A.Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsində təhsil alıb (1966-1970).

1961-ci ildə Dram Teatrın səhnəsində “Şadlıq sorağında” tamaşası ilə səhnəyə gəlib. 1970-ci ildən Akademik Milli Dram Teatrında çalışıb. Bədii yaradıcılıqla məşğul olub, “Gözlə məni” (1984), “Nənəm nağıl söyləyir” (1987), “Noğulbalanın sərgüzəştləri” (1991), “Xatirələr qoynunda” kitabları nəşr olunub.

Sadıq İbrahimov “Ömrün ilk saatı”, “Qatır Məmməd”, “Mehmanxana sahibəsi”, “Sarıköynəklə Valehin nağılı”, “Ac həriflər”, “Ölüm növbəsi” və s.tamaşalarda rol alıb.

O, 28 oktyabr 2000-ci ildə “Azərbaycan Respublikasının Əməkdar artisti” fəxri adına layiq görülüb.

Sadıq İbrahimov 20 avqust 2010-cu ildə ürək çatışmazlığından vəfat edib.