az
Bütün xəbərlər

Milli Kitabxanada Beynəlxalq Mədəniyyət Günü münasibətilə kitab sərgisi açılıb

15-04-2019, 13:19
 Milli Kitabxanada Beynəlxalq Mədəniyyət Günü münasibətilə kitab sərgisi açılıb

Hər il aprelin 15-i Beynəlxalq Mədəniyyət Günü kimi qeyd olunur. Bu münasibətlə Azərbaycan Milli Kitabxanasında “15 aprel Beynəlxalq Mədəniyyət Günüdür” adlı kitab sərgisi açılıb.

Kitabxanadan AZƏRTAC-a bildiriblər ki, sərgidə Azərbaycan, dünya mədəniyyəti, incəsənəti, mədəniyyətlərin qarşılıqlı əlaqəsində UNESCO-nun rolu haqqında Azərbaycan dilində və xarici dillərdə kitablar və dövri mətbuat materialları nümayiş olunur. Sərgi bir həftə davam edəcək.

Bu tarix 1935-ci il aprelin 15-də Vaşinqtonda “Bədii, elmi müəssisə və tarixi abidələrin mühafizəsi və qorunması haqqında” müqavilənin imzalanması ilə əlaqədardır. Ümumdünya Mədəniyyət Gününün qeyd olunmasını ilk dəfə 1931-ci ildə Belçikanın Brügge şəhərində keçirilən konfransda rəssam Nikolay Rerix təklif edib. Həmin vaxtdan etibarən dünyanın bir çox ölkəsində, eləcə də Azərbaycanda 15 aprel - Beynəlxalq Mədəniyyət Günü kimi qeyd edilir.

baku-art.az
Oxunma sayı : 59