“Rosmolodyoj. Sobıtiya” platformasının Cənub Federal Dairəsi üzrə “BereqA” - Gənclərin Təhsil Forumu Rusiya, Azərbaycan, Özbəkistan və Belarusun regionlarından 350 məktəbli, tələbə və gənc mütəxəssisi, həmçinin Xəzər regionunun gənc liderlərin rotasiyasının 50 iştirakçısını bir araya gətirib.

AZƏRTAC tədbirin təşkilatçılarının saytına istinadla xəbər verir ki, tədbirin əsas məqsədlərindən biri regionlarda vakant yerlərin ixtisaslı gənc mütəxəssislərə təqdim edilməsinə kömək edəcək kadr ehtiyatının yaradılması olub. İlk dəfə olaraq, Xəzəryanı ölkələrin gənc liderlərinin beynəlxalq mübadiləsi baş verib. Forum çərçivəsində Xəzər regionunun tanıdılması və onun turizm cəlbediciliyinin artırılması istiqamətində konsepsiyalar hazırlanıb. İxtisaslaşmış məruzəçilər tərəfindən iştirakçılar üçün mühazirələr və ustad dərsləri, HR mütəxəssisləri ilə görüşlər, müəssisə rəhbərləri ilə müsahibələr təşkil olunub.

“BereqA” forumunun maarifləndirici tədbirlərindən biri də vilayətin qubernatorun “Hər şeyi kadrlar həll edir” layihəsinin iştirakçıları və regionun gənclər hökumətinin üzvləri ilə görüş olub.

Forumun işgüzar tədbirləri geniş ekskursiya və mədəni proqramla başa çatıb ki, bu da iştirakçılara Həştərxan vilayətinin zəngin tarixi, mədəni və təbii irsini öyrənməyə, eləcə də sənaye müəssisələri ilə tanış olmağa və gələcək inkişaf üçün yeni imkanlar kəşf etməyə imkan verib. Tədbir çərçivəsində keçirilən “Rosmolodyoj. Qrantlar” müsabiqəsinin 7 iştirakçısı qalib olub. Onlar öz təşəbbüslərini həyata keçirmək üçün maliyyə dəstəyi alıblar.

“BereqA” forumunun təşkilatçıları qismində Həştərxan vilayətinin Gənclərlə İş üzrə Agentliyi - “Rosmolodyoj”, Rusiya Federasiyası Prezidentinin Cənub bölgəsi üzrə səlahiyyətli nümayəndəsinin ofisinin himayəsi altında regional hökumət çıxış edib.