Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin Mərkəzi Kitabxanasına müəlliflər tərəfindən 6 adda 7 nüsxə kitab hədiyyə olunub.

AMEA-nın Tarix İnstitutunun böyük elmi işçisi, “Azad Azərbaycan” qəzetinin şöbə müdiri Hacı Tofiq Seyidzadə “Mədəniyyət xadimlərimiz bizi dünyaya tanıdır”, “Dəmir qala qapısı-Sədərəyin keçmişi və bu günü”, uşaq yazarı Mehriban Nağıyeva “Əsmərin sehrli zənbili”, “Nağıllar” (“Uğur böcəyi”, “Qırmızı şlyapalı ilan”, “Dələnin zarafatı”, “Tənbəl qarğa”), “Nağıllar” (“Bağda əhvalat”, “Tənbəl əsmər”, “Yaralı qaranquş”, “Qızılgül və sarmaşıq”) kitablarını, Zaur Ustac isə “Gülünün şeirləri” əlavə tədris vəsaitini kitabxanaya hədiyyə edib.

Hacı Tofiq Seyidzadə kitabların birində mədəniyyət xadimləri haqqında məlumat verib, digər kitabında isə Sədərək haqqında tarixi araşdırmalar aparıb.

Mehriban Nağıyevanın qələmə aldığı nağıllar tərbiyəvi əhəmiyyətə malikdir və uşaqları yüksək mənəvi keyfiyyətlərə malik olmağa səsləyir.

Əlavə tədris vəsaiti olan “Gülünün şeirləri” kitabı 2016-2017 və 2017-2018-ci tədris illərində internet üzərindən ilin ən çox oxunan kitabı olub.