Avqustun 22-də Bakı Şəhər Mədəniyyət Baş İdarəsinin Yasamal rayon Mərkəzləşdirilmiş Kitabxana Sisteminə (MKS) Azərbaycan poeziyasında və nəsrində orijinal yazı üslubu ilə seçilən yazıçı-publisist, ”Qızıl qələm” və Araz Media mükafatları laureatı, Azərbaycan Respublikası Prezidentinin fərdi təqaüdçüsü Müzahim İsmayılzadə 12 adda 16 nüsxə kitab hədiyyə edib.

Müəllifin 6 cildlik “Əsərləri”, “Özgə qapısı” povesti, “Ömrün ekvator xətti”, “Arazdan Yeniseyə”, “Sadəcə İsmayıl müəllim”,”Amansız-amansız dünya” kitablarında müxtəlif illərdə yazılmış şeirlər, hekayələr, povest və romanları toplanıb.

Tanınmış yazar Vaqif İsaoğlunun “Sunami”dən... sunamiyə... (Müzahim İsmayılzadənin söz dünyası)” monaqrafiyasında şair-yazıçının zəngin yaradıcılığı əhatəli şəkildə təhlil edilib.