Oktyabrın 18-də Bakı Şəhər Mədəniyyət Baş İdarəsi Yasamal rayon Heydər Əliyev Mərkəzində Qarabağ müharibəsi qazisi, rəssam Mənsur Əsgərlinin 18 Oktyabr – Dövlət Müstəqilliyinin Bərpası Gününə və Vətən Müharibəsinə həsr olunmuş “Zəfər Rəngləri” adlı ilk fərdi yaradıcılıq sərgisi təşkil edilib.

Sərgidə Azərbaycan Yazıçılar Birliyinin üzvü, şairə, filologiya üzrə fəlsəfə doktoru Adilə Nəzər, Azərbaycan Rəssamlar İttifaqının üzvü, Azərbaycan Dövlət Pedaqoji Universitetinin müəllimi İdrak Novruzov, "A.J  Holdinq"in direktor müavini, texnika elmləri doktoru, professor Ənvər Həzərxanov, Azərbaycan Rəssamlar İttifaqının üzvləri Elnurə və Aygün İsgəndərovalar, Qarabağ müharibəsi Qazisi, Fred Asif adına İnkişaf Fondunun rəhbəri Ədalət Məhərrəmov, Azərbaycan Qızıl Aypara Cəmiyyəti Kəlbəcər Rayon Bölməsinin sədri Gəncəli Mehdiyev, Qarabağ müharibəsi Qazisi polkovnik Zahid Qarayev, Azərbaycan Yazıçılar Birliyinin üzvü, yazıçı Gülzar İbahimova, Respublika Veteranlar İctimai Birliyinin sədr müavini Əkbər Məmmədov, Respublika Qayğı Cəmiyyətinin sədri, Qarabağ müharibəsi Qazisi Müşfiq Əliyev, Vətən müharibəsi şəhidi mayor Aqşin İbadovun qardaşları - Məmmədhüseyn İbadov və Cəmil İbadov, rəssamın yaxınları və KİV nümayəndələri iştirak edib.

Qonaqlar ilk öncə Mərkəzin Muzey bölməsində Ulu Öndər Heydər Əliyevin büstünü ziyarət edib büstün önünə gül dəstələti qoyublar.

Sərginin açılış mərasimi Azərbaycan Respublikası Dövlət Himnin səsləndirilməsi ilə başlayıb. Daha sonra şəhidlərin əziz xatirəsi bir dəqiqəlik sükutla anılıb.

Sonra sərgidə giriş nitqi ilə çıxış edən Yasamal rayon Heydər Əliyev Mərkəzinin direktoru Naminə Ömərova qonaqları  salamlayıb və Azərbaycan xalqının 1991-ci ildən sonra ilk  dəfə bu bayramı tam fərqli olaraq, öz ərazi bütövlüyünü  bərpa etmiş qalib xalq kimi qeyd etdiyini bildirib. O, bu xoşbəxtliyi, bu qüruru bizə Ali Baş Komandan İlham Əliyev və rəşadətli Azərbaycan Ordusunun yaşatdığnı və bu müharibənin  Azərbaycan xalqının, onun Liderinin, şanlı ordumuzun gücünü  bütün dünyaya nümayiş etdirdiyini qonaqların diqqətinə çatdırıb. Azərbaycan Rəssamlar İttifaqının üzvü Elnurə İsgəndərova layihə haqqında qonaqlara ətraflı məlumat verib. O, dövrüntarixi-siyasi şəraitinə nəzər salaraq, xalqımızın milli istiqlal uğrunda  apardığı  mübarizədən danışıb.

Azərbaycan Rəssamlar İttifaqının    üzvi    Elnurə   İsgəndərova   layihə   haqqında qonaqlara   ətraflı   məlumat  verib. O  bildirib ki, vətənpərvərlik  mövzusunda Ali  Baş  Komandan  İlham  Əliyevin  “Qarabağ  bizimdir, Qarabağ  Azərbaycandır!”  şüarına  dəstək  olaraq  Müstəqillik   gününə  və  Vətən  müharibəsinə   həsr   olunmuş  “Zəfər   Rəngləri”  adlı   bu   sərginin   təşkilində   məqsəd   ordumuza    və   xalqımıza   mənəvi   dəstək   olmaqla   vətənpərvərlik   hisslərini  uşaq  və   yeniyetmələr  arasında gücləndirmək,  vətənpərvərlik  mövzusu  çərçivəsində    gəncləri   haqq    yolunda   inamla    irəliləyən   Ali  Baş    Komandan    İlham   Əliyevin  güclü   siyasətindən,  Cənubi   Qafqazın   ən   güclü   ordusu   hesab   edilən    şanlı   Azərbaycan  ordusundan  və ümumilikdə Azərbaycan xalqının vətənpərvərliyindən ətraflı  məlumatlandırmaqdan  ibarətdir.

Daha sonra digər qonaqlar, hər bir insanın qiyməti onun vətənə, millətə xidməti ilə, əsl insanlıq ləyaqəti isə vətənpərvərlik hissi ilə  ölçülür deyərək, müqəddəs və dərin vətənpərvərlik hisslərdən, duyğulanan rəssama işində uğurlar arzulayıblar.  Onlar  həmçinin, ümumilli  lider  Heydər  Əliyevin “Azərbaycanın dövlət   müstəqilliyi   əbədidir,   sarsılmazdır,   dönməzdir”   kəlamını   sitat    gətirərək Ulu   Öndərin   Azərbaycanın   müdrik   rəhbəri  kimi   çoxşaxəli  fəaliyyətindən,  vətən  və  xalq  qarşısındakı  ölçüyəgəlməz   misilsiz   xidmətlərindən   danışıblar. 

Vətən Müharibəsi  şəhidi mayor Aqşin İbadovun qardaşları - Məmmədhüseyn İbadov  və  Cəmil  İbadov  çıxış   edərək,   Torpaqlarımızın  bütövlüyü  uğurunda gedən döyüşlərdə qəhrəmancasına şəhid olan Aqşin İbadovun keçdiyi həyat yolundan,  vətənpərvərliyindən,  döyüşlərdə   göstərdiyi   igidlikdən  danışıblar.  Onu da  əlavə  ediblər  ki,  biz  bu  müharibəni  şəhidlərimizin  qanı bahasına, hərbçilərimizin   rəşadətli   hesabına,   dövlətimizin   siyasəti   hesabına   qazanmışıq. Onlar   həmçinin,  Vətən   Müharibəsi   şəhidlərinin   ailələrinə və qazilərinə   verilən   yüksək  qiymətə, göstərilən  diqqət  və qayğıya  görə ölkə  başçısına  dərin  minnətdarlıqlarını   bildiriblər.

Sonra qonaqlar sərgi ilə tanış olublar.