Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin 1 nömrəli filialının əməkdaşı Səidə Rəcəbova “Tarix yazan igidlərimiz” layihəsi çərçivəsində şəhid Elvin Bayramov haqqında videoçarx hazırlayıb.

Videoçarxda şəhid Elvin Bayramov haqqında məlumat verilib. Bildirilib ki, İkinci Qarabağ Müharibəsi zamanı qəhrəmancasına şəhid  olan Elvin Bayramov 2020-ci ilin iyulun 26-da həqiqi hərbi xidmətə çağırılıb. Həmin ilin sentyabrın 27-də başlayan Vətən müharibəsində Füzuli rayonu uğrunda gedən döyüşlərdən birində ürəyindən aldığı qəlpə yarası ilə həyatını itirib, şəhidlik zirvəsinə ucalıb.

Bayramov Elvin İslam oğlu ölümündən sonra “Vətən uğrunda” və “Füzulinin azad olunmasına görə” medalları ilə təltif edilib. Məzunu olduğu Azərbaycan Dillər Universitetinin təşəbbüsü ilə şəhid Elvin Bayramovun əziz xatirəsinə həsr olunmuş “Qısa ömrün əbədi dastanı”adlı kitab çap edilib.

Videoçarxda şəhidin həyatı və hərbi fəaliyyəti ilə bağlı məlumatlar, fotolar nümayiş edilib.

Sonda kitabxanaçı Dursun Musayevanın “Şəhidlər” şeirindən iki bənd səsləndirib.

Videoməlumat bəstəkar Faiq Sücəddinovun “Vətən Balladası” kompozisiyası ilə təqdim olunub. 

Aşağıdakı keçidlər vasitəsilə videoçarxı izləyə bilərsiniz:

https://www.instagram.com/p/CRBqFh0hJb-/

https://www.instagram.com/p/CRBrn03BkOn/