Bakı Şəhər Mədəniyyət Baş İdarəsi Sabunçu rayonu Mərkəzləşdirilmiş Kitabxana Sisteminin 8 nömrəli filialıÜzeyir bəy Hacıbəylinin "Sevgili canan" romansına həsr olunmuş videoçarx hazırlayıb.

“Sevgili canan” - 1943-cü ildə Üzeyir Hacıbəyli tərəfindən Nizami Gəncəvinin eyniadlı qəzəlinə bəstələnmiş qəzəl-romansdır. Əsər Nizami Gəncəvinin 800illik yubileyi münasibətilə yazılıb.

Nizami dühası Üzeyir Hacıbəyli üçün yeni bir ilham mənbəyi olub. Nizami qəzəllərinin dərin mənası bu ədəbi nümunələrə layiq musiqi əsərləri yaratmağı tələb edib. "Sənsiz", "Sevgili canan" kimi qəzəl incilərinə layiq musiqi əsərləri yaradan isə böyük sənətkarımız Üzeyir Hacıbəyli olub. Nizami dühasının Üzeyir musiqisi ilə təqdimatı təkrarolunmaz romansların yaranması ilə nəticələnib.

Üzeyir Hacıbəyli bu romansları yazmaqla romans-qəzəl janrının təməlini qoyub. "Sənsiz" və "Sevgili canan" romanslarının ilk ifaçısı görkəmli vokalçı və pedaqoq, SSRİ Xalq artisti, professor Bülbül olub. Sonra bu romansları böyük sənətkarımız Rəşid Behbudov və Müslüm Maqomayev də özünəməxsus lirizmləifa ediblər. Üzeyir Hacıbəylinin hər iki romansı qəlblərə sirayət edən ifadəli melodiyaya malikdir.

https://www.instagram.com/tv/CFOTJzVBps_/?igshid=1r4hrls9nfpgv