Şahin Seymur oğlu Həsənli 9 iyul 1972-ci ildə  Bakıda anadan olub. 84 saylı rəssamlıq məktəbində (1987-1990) təhsil alıb. 1992-ci ildən “Azərbaycanfilm” kinostudiyasında işləyir. Əməkdar rəssam Toğrul Sadıqzadənin emalatxanasında sənət dərsləri alıb. Kinoda müəllimi rəssam Adil Azaydır. Azərbaycan Respublikası Kinematoqrafçılar İttifaqının üzvüdür.

Rusiya istehsalı olan “Qraf Krestovski” serialının geyim rəssamı olub.

Şahin Həsənli  “O dünyadan salam” (1991, tammetrajlı bədii film), “Beşmərtəbəli evin altıncı mərtəbəsi” (1996, tammetrajlı bədii film) – rəssam assistenti, “Yük” (1995, tammetrajlı bədii film), “Ovsunçu” (2002, tammetrajlı bədii film) – geyim rəssamı assistenti, “Kleopatra” (1996, tammetrajlı film-tamaşa), “Oyun” (1996, qısametrajlı bədii film), “Nə gözəldir bu dünya...” (1999, tammetrajlı bədii film), “Yuxu” (2001, tammetrajlı bədii film), “Ərazi” (2005, qısametrajlı bədii film), “Cavid ömrü” (2007, tammetrajlı bədii film), “Əlvida” (2007, tammetrajlı bədii film), “Hökmdarın taleyi” (2008, tammetrajlı bədii film), “Kuklalar” (II) (2010, tammetrajlı bədii film), “Buta” (II) (2011, tammetrajlı bədii film), “Kubinka” (2011, qısametrajlı sənədli film), “Yəhudilər Azərbaycanda” (2011, qısametrajlı sənədli film), “Mən evə qayıdıram” (2014, tammetrajlı bədii film), “Fədakar” (2015, tammetrajlı bədii film), “Eviniz abad” (2017, tammetrajlı bədii film) – geyim rəssamı, “Bir anın həqiqəti” (2003, bədii serial) – geyim rəssamı, rekvizitçi, “Bomba” (2005, tammetrajlı bədii film), “Bir addım” (2009, qısametrajlı bədii film), “Yaddaş” (II) (2010, tammetrajlı bədii film), “İnkoqnito” (2012, qısametrajlı bədii film), “Təqib” (II) (2012, tammetrajlı bədii film), “Eliza” (2014, qısametrajlı bədii film), “Nabat” (2014, tammetrajlı bədii film), “40-cı paraleldə - Hədiyyə” (2015, tammetrajlı bədii film, kinoalmanax), “Ayaqqabı əməliyyatı” (2016, qısametrajlı bədii film), “Əbədi ezamiyyət”  (2016, tammetrajlı sənədli film), “Beləcə şirin həyat”  (2017, qısametrajlı bədii film), “İkinci pərdə” (2017, tammetrajlı bədii film), “Niyə?” (2017, tammetrajlı bədii film), “Onun ünvanı” (2017, qısametrajlı bədii film), “Son iclas” (2018, tammetrajlı sənədli film) – rəssam, “Qayalarda qalan səs” (1995, tammetrajlı film-tamaşa),  “Ev” (2007, qısametrajlı bədii film), “2” (2008, qısametrajlı bədii film),  “Qala”  (2008, tammetrajlı bədii film), “Sübhün səfiri” (2012, tammetrajlı bədii film) – geyim rəssamı, aktyor, “Vulkanın nəfəsi” (2014, qısametrajlı sənədli film) – aktyor, “Daşatan” (2009, qısametrajlı bədii film) – yaradıcı heyətin üzvü, “40-cı paraleldə - Postskriptum” (2015, tammetrajlı bədii film, kinoalmanax), “İnikas” (2015, qısametrajlı bədii film), “Miras” (V) (2018, tammetrajlı sənədli film) – rəssam, geyim üzrə rəssam olub.