Azərbaycan Dövlət Rus Dram Teatrının baş rejissoru, Bakı Beynəlxalq Multikulturalizm Mərkəzi Himayəçilik Şurasının üzvü Aleksandr Yakovleviç Şarovski 1948-ci ildə Bakıda anadan olub.

O, 1973-cü ildə Azərbaycan Dövlət Xarici Dillər İnstitutunu bitirib.

1967-ci ildən Gənc Tamaşaçılar Teatrının aktyoru, 1976-ci ildən isə S.Vurğun adına Rus Dram Teatrının aktyoru, 1991-ci ildən quruluşçu - rejissor, 1993-cü ildən teatrın baş rejissoru vəzifələrində işləyir.

Bu illər ərzində səhnədə 50-dən çox rol oynayıb, 4 kinofilmdə çəkilib, 54 tamaşaya quruluş verib. Onun aktyor kimi ifa etdiyi rollarından: Don Quan (A.S.Puşkin "Kiçik traqediyalar"), Roland (D.Fletçer "Ukroşeniye ukrotitelya"), Rezo (L.Roseb "Premyera"), Eldar (R.İbrahimbəyov "Dom na peske"), Beriya (V.Korkiya "Moy bednıy Soso Cuqaşvili"), Şeyx Sənan (H.Cavid "Şeyx Sənan"), Fərhad (S.Vurğun "Fərhad və Şirin"), Mehmandarov (M.İbrahimbəyov "Neft bumu") bu obrazlar xüsusilə yaddaşlarda qalıb.

Quruluşçu rejissor kimi fəaliyyəti zamanı "Leto i dım" T.Uilyams, "Xoçu kupit muja" M.Zadornov, "Lebedinaya pesnya" A.P.Çexov, "Kin IV" Q.Qorin, "Petlya" R.İbrahimbəyov, "Vtoroy vıstrel" R.Toma, "Çayka" A.P.Çexov, "Teatr" M.Freyn, "Ubiysa" Elçin, "Fərhad və Şirin" S.Vurğun kimi tamaşaları misal gətirmək olar.

"Qızıl dərviş" və "Humay" mükafatları laureatıdır.