Zemfira Feyzulla qızı Əbdülsəmədova 15 mart 1961-ci ildə Bakı şəhərində anadan olub.

1978-ci ildə Azərbaycan Dövlət İncəsənət İnstitutunun “Teatr və kino aktyorluğu” fakültəsini bitirib.

1982-ci ildə təyinatla Şəki Dövlət Dram Teatrının aktyor truppasına daxil olub. Teatrda ilk rolu rejissor Hüseynağa Atakişiyevin quruluşunda olan U.Şekspirin “Romeo və Cülyetta” əsərində Cülyetta obrazı olub. “Romeo və Cülyetta” tamaşası Rusiyanın Moskva və Tatarıstanın Kazan şəhərlərində Şekspir festivalında böyük uğurla nümayiş etdirilib.

1985-ci ildə Şıxəli Qurbanov adına Musiqili Komediya Teatrında işə dəvət olunur. Teatrda ilk rolu mərhum sənətkar Vaqif İbrahimoğlunun quruluşunda Fikrət Əmirovun “Gözünüz aydın” musiqili komediyasında Gülər obrazı olur.

1989-cu ildə mərhum sənətkar Hüseynağa Atakişiyevin dəvəti ilə Gənclər Teatrında işə başlayır və 2006-cı ilə kimi bu teatrda bir-birindən maraqlı obrazlar yaradır.

2015-ci ildən Azərbaycan Dövlət Gənc Tamaşaçılar Teatrının aktrisasıdır. Teatrla yanaşı pedaqoji fəaliyyətlə məşğuldur, Azərbaycan Milli Konservatoriyası tərkibində Respublika İncəsənət Gimnaziyasında aktyor və rejissor sənətindən dərs deyir.

O, “Yuxu”, “Qara Volqa”, “Kiri baba”, “Üçüncü dərviş”, “Şəbəkə”, “Olum və ya ölüm”, “Xoca” kimi filmlərdə, “Sirr”, “İlğım”, “Pərvanələrin rəqsi”, “Ağabəyovlar ailəsi”, “Həyat varsa”, “Üç bacı”, “Muradına çatan günəş”, “Qisas” seriallarda maraqlı obrazlar ifa edib.