Bakı Şəhər Mədəniyyət Baş İdarəsin Binəqədi rayon Mərkəzləşdirilmiş Kitabxana Sisteminin Mərkəzi Kitabxanasının Uşaq şöbəsi Binəqədi rayonunda yerləşən 102 nömrəli tam orta məktəbin 2-ci sinif şagirdlərinin Mərkəzi Kitabxanaya ekskursiyasını təşkil edib.

Uşaq şöbəsinin müdiri Səidə Sərdarova şagirdlərə kitab və kitabxana haqqında geniş məlumat verib. “Biz niyə kitab oxumalıyıq?” mövzusunda məktəblilərlə geniş  söhbət aparıb.

Məktəblilər hazırladıqları B.Vahabzadənin “Kitab” şeirini söyləyiblər. S. Sərdarova şagirdləri uşaq şöbəsi ilə yaxından tanış edib. Şöbədə yeni yaradılmış “Uşaq folklor nümunələri” adlı sərgi və dünya uşaq ədəbiyyatının görkəmli nümayəndələri Qrimm qardaşlarından biri olan Yakob Qrimmin 235 illik yubileyi ilə əlaqədar yaradılmış “Yakob Qrimm-235” adlı sərgi haqqında məktəblilərə məlumat verib. Məktəblilər üçün Qrimm qardaşlarının “Bremen çalğıçıları” adlı nağılını oxuyub.

Daha sonra məktəbli oxucular Qrimm qardaşlarının “Qırmızı papaq” nağılı əsasında hazırladıqları səhnəciyi təqdim ediblər.

Uşaq şöbəsinin baş kitabxanaçısı Aygün Əliyeva məktəbliləri kitabxanada təşkil olunmuş ”Dahi şəxsiyyət” sərgisi ilə tanış edib.

Şagirdlər üçün “Mütaliə saatı” təşkil olunub. “Milli Qəhrəmanlarımız” mövzusunda kitablar mütaliə olunub.

Uşaq şöbəsinin müdiri Səidə Sərdarova və İnformasiya  resurs şöbəsinin müdiri Şəfiqə Ağayeva məktəblilər üçün “Cizgi saatı” təşkil edib. Məktəblilərə kitabxanadan bəhs olunan “Balaca ev” cizgi filmi nümayiş olunub.

Sonda məktəblilər Uşaq şöbəsinin məktəbli oxucu qrupuna üzv yazılıblar.