Azərbaycan tarixinin ən dəhşətli səhifələrindən biri olan Xocalı soyqırımından 30 il ötür. AzərbaycanRespublikasınınPrezidenti İlham Əliyev 28 yanvar 2022-ciil tarixində Xocalı soyqırımının otuzuncu ildönümün haqqında sərəncam imzalayıb.

Bakı Şəhər Mədəniyyət Baş İdarəsi Yasamal rayon Mərkəzi Kitabxanası beynəlxalq əməkdaşlıq çərçivəsində Rusiya Federasiyası Orenburq Vilayətinin P-Pokrovka model kitabxanası ilə birlikdə “Трагедия Ходжалы–30. Xocalı Faciəsi– 30” interaktiv plakat hazırlayıb. İnteraktiv plakatın ideya müəllifi Mərkəzi Kitabxanasının direktoru Lətifə Məmmədova, icraçısı isə P-Pokrovka kitabxanasının müdiri V. Filippovadır.

İnteraktiv plakatda on bir aktiv nöqtə mövcuddur. Plakatda Azərbaycan və rus dillərində verilən materiallarda 1992-ci il fevralın 25-dən 26-na keçən gecə Ermənistan Silahlı Qüvvələri tərəfindən 366-cı motoatıcı alayının iştirakı ilə Xocalı şəhərinin işğal olunması, etnik azərbaycanlılara qarşı baş vermiş soyqırım əks olunur.

İnteraktiv plakatda Xocalı soyqırımının otuzuncu ildönümü haqqında Azərbaycan Respublikası Prezidentinin Azərbaycan və rus dillərində Sərəncamı, “Ходжалинская трагедия”, “Xocalı soyqırımı - XX əsrin faciəsi”, “Xocalı soyqırımı”, “Xocalı soyqırımının tanınması”, “Справедливость для Ходжалы”, “Xocalı” başlıqlı bölmələrdə Xocalı faciəsi haqqında məlumatlar verilib. Xocalı həqiqətlərinin dünyaya tanıdılması, erməni terrorçularının həyata keçirdiyi insanlıq əleyhinə cinayətlərin ifşa olunması interaktiv plakatda əks olunub. Burada müxtəlif materiallardan, videoçarxlardan istifadə olunub.

Plakat aşağıdakı keçiddə verilib:

https://padlet.com/filivara/h6do7bn4vud5