Qeyri-rəsmi bayram olsa da, dünyada geniş qeyd olunan peşə bayramlarından biri də Beynəlxalq Kompüter Mütəxəssisi Günüdür. 1946-cı ilin fevralın 14-də elm dünyasına və bütün maraqlananlara ilk real işləyən kompüter – ENIAC-I (Electrical Numerical İntegrator And Calculator) nümayiş olunub.

Amerika ordusunun maliyyələşdirdiyi birinci hesablayıcı maşının hazırlanmasında məqsəd hərbi hesablamaların aparılması, planlaşdırılması və proqramlaşdırılması idi. ENIAC-I 1955-ci ilin oktyabrın 2-də 23 saat 45 dəqiqə işləyib, sonra isə hissələrə ayrılıb.

Əlbəttə, daha erkən kompüterlər də var idi, ancaq onların hamısı prototip və eksperimental variantlar sayılırdı. Ona qalsa tarixdən məlumdur ki, ilk kompüter Bebbicin analitik maşını hesab edilir... Lakin ENIAC ilk praktik məsələləri həll edə bilən, real işləyən kompüter idi. Qeyd etmək lazımdır ki, müasir kompüterlərin ikili hesablama sistemi məhz ENIAC-dan miras qalıb.

Ona görə də bu tarix – 14 fevral - kompüter mütaxəssisi günü kimi qeyd olunur.