Bakı şəhərində Bakı Şəhər Təhsil İdarəsi və Azərbaycan Uşaq Fondunun dəstəyi ilə keçirilən Uşaq Junior Liqasının 1/8 final oyunları baş tutdu.

Birinci oyun günündə 200, 193, 6, 18 və 160 nömrəli tam orta məktəblərin komandaları səhnədə çıxış etdilər. Gərgin və əyləncəli yarışdan sonra 1-ci yeri 6 və 18 nömrəli tam orta məktəblər bölüşdü,

2-ci yeri 160 nömrəli tam orta məktəb,

3-cü yeri isə 193 nömrəli tam orta məktəb qazandı.

200 nömrəli tam orta məktəb çempionatı tərk etdi.

İkinci oyun günündə 7 nömrəli tam orta məktəb, "Kirpi" komandası, 17 nömrəli tam orta məktəb, "21-ci əsr" məktəbi və 189-190 nömrəli birləşmiş məktəb komandaları yarışdılar.

Nəticəyə əsasən 1-ci yeri maksimum xalla 17 nömrəli tam orta məktəb,

2-ci yeri 7 nömrəli tam orta məktəb,

3-cü yeri isə "21-ci əsr" və 189-190 məktəbləri bölüşdülər.

"Kirpi" komandası liqanı tərk etdi.

Bütün oyunlar Azərbaycanın Əməkdar artisti, "Bakı Oğlanları" KVN komandasının əfsanəvi üzvü, "Planeta Parni iz Baku" teatrının aktyoru Cəbir İmanovun xatirəsinə bir dəqiqəlik sükutla başladı.

Münsiflər heyətində tanınmış media və mədəniyyət nümayəndələri yer almışdır:

Uşaq Fondunun direktoru - Zəhra Bədəlbəyli,

aparıcı - Xose Bernardo,

Space telekanalının direktoru - Nəriman Abdullayev,

jurnalist - Vüqar İmanov,

prodüser - Amiran Babayev,

rejissor - Rüfət Şahbazov,

yumorist - Kənan Yusifov,

"Bakı Oğlanları" komandasının aktrisası - Yana Nikitina,

şair və Junior Liqasının direktoru - Cavid Şahbazbəyov.

Axşamın aparıcısı - Liqanın bədii rəhbəri, aktyor Səməndər Rzayev idi.