Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzində "Aprel döyüşləri- Vətən müharibəsinin baş məşqi" adlı dəyirmi masa keçirilib.

Tədbirdə rəsmilər, şəhid ailələrinin üzvləri, qazilər, hərbiçilər, “N” saylı hərbi hissənin zabit heyəti və rayon məktəbliləri iştirak ediblər.

İlk öncə tədbir iştirakçıları Ulu Öndər Heydər Əliyevin abidəsi önünə gül dəstələri qoymaqla əziz xatirəsini ehtiramla yad ediblər.

Daha sonra Azərbaycan Respublikasının Dövlət Himni səsləndirilib, şəhidlərimizin ruhu bir dəqiqəlik sükutla anılıb.

Tədbirdə 2016-cı ilin aprel ayında Ermənistan silahlı qüvvələri tərəfindən ölkəmizə qarşı növbəti silahlı təxribat törədildiyi, lakin Azərbaycan Ordusunun qətiyyətli və uğurlu əks-hücum əməliyyatı nəticəsində düşmənə ağır zərbələr endirildiyi qeyd olunub.

Aprel döyüşləri Azərbaycan xalqının tarixinə şanlı səhifə kimi yazılıb. Məhz Aprel döyüşlərində əldə olunan təcrübə, 2020-ci ildə baş vermiş Vətən müharibəsində uğurla tətbiq olunub və nəticədə rəşadətli Azərbaycan Ordusu torpaqlarımızı işğaldan azad edib.

Mövzu ilə bağlı videoçarx nümayiş olunub, məktəblilərin çəkdiyi rəsm sərgisinə baxış keçirilib.