az
Bütün xəbərlər

Azərbaycan pavilyonu Pekində xeyriyyə yarmarkasında böyük marağa səbəb olub

22-10-2018, 10:36
Azərbaycan pavilyonu Pekində xeyriyyə yarmarkasında böyük marağa səbəb olub


Pekində keçirilən “Sevgi sərhəd tanımır” adlı ənənəvi xeyriyyə sərgi-yarmarkasında Azərbaycan pavilyonunda təqdim olunan eksponatlar və yeməklər böyük marağa səbəb olub.

Çinin Xarici İşlər Nazirliyinin və Yoxsulluqla Mübarizə Fondunun təşkil etdiyi tədbir müxtəlif ölkələrin milli mədəniyyətlərinə aid suvenirlərin, mətbəx nümunələrinin, məhsul və malların satışından əldə olunan gəlirin Çində həyata keçirilən humanitar layihələrə yönəldilməsi ilə maddi dəstək məqsədi daşıyıb.

Ölkəmizin Çindəki səfirliyinin hazırladığı geniş pavilyonda Azərbaycan mədəniyyətinə aid müxtəlif eksponatlar, o cümlədən geyim nümunələri, suvenirlər, əl işləri nümayiş etdirilib. Yarmarkada Azərbaycana aid rəmzlərin əks olunduğu toxuculuq nümunələri, milli mətbəximizin təamlarından plov, dolma, kabab, kükü, manqal salatı, qutab, paxlava və şəkərbura, şərab və konyak, kompot, mürəbbə, çay satışa çıxarılıb. Pekin sakinləri Azərbaycan pavilyonunda satışa çıxarılan məhsullara, xüsusən milli mətbəximizin təamlarına və Azərbaycan narına böyük maraq nümayiş etdiriblər.

Yarmarkanı ziyarət edən Çinin müxtəlif dövlət qurumlarının vəzifəli şəxsləri Azərbaycan pavilyonuna baş çəkərək burada nümayiş etdirilən və satışa çıxarılan məhsullarla tanış olublar.

Gün ərzində 15 mindən çox insanın ziyarət etdiyi yarmarkada yığılan vəsait xeyriyyə layihələrinin icrasına dəstək üçün yaradılan fonda köçürülüb.

Təşkilatçılar tədbirdə fəal iştiraka görə Azərbaycan səfirliyinə təşəkkür ediblər.

baku-art.az


Azərbaycan pavilyonu Pekində xeyriyyə yarmarkasında böyük marağa səbəb olub

Azərbaycan pavilyonu Pekində xeyriyyə yarmarkasında böyük marağa səbəb olub

Azərbaycan pavilyonu Pekində xeyriyyə yarmarkasında böyük marağa səbəb olub
Oxunma sayı : 277