İyunun 26-da Bakı Şəhər Mədəniyyət Baş İdarəsinin Zirə qəsəbə Mədəniyyət Mərkəzi və Eko –Parkın birgə təşkilatçılığı ilə “100 yaşlı ordu”adlı tədbir keçirilib.
Tədbirdə N saylı hərbi hissənin əsgər və zabit heyəti ,hərbi orkestr iştirak ediblər. Hərbi orkestr Eko-Parkda hərbi marşlar ifa edib, Zirə Mədəniyyət Mərkəzinin foyesində Heydər Əliyevin büstü önündə xatirə şəkli çəkilib.
İlk öncə əsgər və zabit heyəti Mədəniyyət Mərkəzi tədris şöbəsi və Xalça Muzeyi ilə tanış olublar.Hərbçiləri təbrik sözü ilə Mərkəzin əməkdaşı L.Əliyeva salamlayıb.
Sonra Zirə qəsəbə Mədəniyyət Mərkəzinin mədəni-kütləvi tədbirlər üzrə təşkilatçısı N.Həsənova rəşadətli ordumuzun tarixindən, keçdiyi yoldan danışıb.
Daha sonra Zirə qəsəbə Mədəniyyət Mərkəzinin bədii rəhbəri Məzahir Rüstəmov və N saylı hərbi hissənin şəxsi işlər üzrə komandir müavini mayor Elçin Kərəmov əsgərləri təbrik edib.
Sonda hərbçilər üçün “Orxideya Evi’’ndə kiçik konsert proqramı təşkil edilib.
