24 nömrəli onbirillik Musiqi Məktəbində 20 Yanvar faciəsinin 28-ci ildönümünə həsr olunmuş tədbir keçirilib
Yanvarın 19-da Bakı Şəhər Mədəniyyət və Turizm Baş İdarəsinin 24 nömrəli onbirillik Musiqi Məktəbində 20 Yanvar faciəsinin 28-ci ildönümünə həsr olunmuş tədbir keçirilib.
Tədbirdə məktəb direktoru və müəllimlər iştirak edib.
Məktəbin nəzəriyyə şöbəsinin müdiri Aytən Həşimova 20 Yanvar 1990 –cı ilin tarixi əhəmiyyətindən danışaraq qeyd edib ki, keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi hərbi təcavüz insanlığa qarşı törədilmiş ən ağır cinayətlərdən biri kimi qalacaqdır.
20 Yanvar faciəsi, eyni zamanda həm ümumxalq faciəsi, həm də müstəqillik, istiqlal və hüriyyət uğrunda xalqımızın apardığı milli azadlıq hərəkatının zirvəsi kimi Azərbaycan tarixinə həkk olunub.
Ümummilli lider Heydər Əliyevin söylədiyi kimi, bu təcavüz xalqımızı mənəvi cəhətdən çox sarsıtsa da, qəhrəmanlıq salnaməsinə yeni bir səhifə kimi yazılıb.
