Yasamal rayon MKS-nin Mərkəzi Kitabxananın əməkdaşları Respublika İncəsənət Gimnaziyasında “Nağıl saatı” keçirib

Mayın 15-də Bakı Şəhər Mədəniyyət Baş İdarəsi Yasamal rayon MKS-nin Mərkəzi Kitabxananın əməkdaşları İncəsənət Gimnaziyasının 2c sinif şagirdləri ilə növbəti “Nağıl saatı” keçirib.

Uşaq şöbəsinin müdiri Sevil Namazova, böyük metodist İradə Hüseynova və Gimnaziyanın müəllimi Yaqut Əzimzadə uşaqlara “Əkinçi və canavar”,“Cığal sərçə”, “Az danış, çox iş gör” cizgi filmlərini nümayiş etdiriblər. Uşaqlar böyük maraqla filmlərə tamaşa ediblər.

Şagirdlərdən Paşa Quliyev, Fatimə Pəhləvi, Əminə Nəcəfli, Sənubər Qənbərli, Rza Kərimzadə, İnci Həsənli, Pərvanə, Əjdər və Rəsul İbrahimzadələr nümayiş olunan cizgi filmləri qəhrəmanları haqqında fikirlərini söyləyiblər.

Sonda şagirdlər kitabxananın təşkil etdiyi yeni uşaq kitab sərgisi ilə tanış olublar.