"Sən elə bir zirvəsən" adlı tədbir keçirilib

Mayın 7-də Bakı Şəhər Mədəniyyət Baş İdarəsinin İbrahim Əbilov adına Mədəniyyət Mərkəzində 10 may - Ümummilli lider Heydər Əliyevin anadan olmasının 96-cı ildönümünə həsr olunmuş "Sən elə bir zirvəsən" adlı tədbir keçirilib. 

Tədbiri açıq elan edən Mədəniyyyət Mərkəzinin direktoru Aida Muradova bu günün önəmindən bəhs edərək,  Azərbaycanın müstəqillik və suverenliyinin qorunmasında, güclü dövlət kimi formalaşmasında, ölkə üçün həlledici ideyaların həyata keçirilməsində Heydər Əliyevin xüsusi xidmətlərini vurğulayıb.

Daha sonra tədbir aparıcıların ifasında səslənən şeirlər və İbrahim Əbilov adına Mədəniyyət Mərkəzinin Xalq kollektivləri: "Ailə" xalq ansamblı, "Şəlalə" xalq çalğı alətləri xalq ansamblı, "Oğuzlar" folklor ansamblının musiqiçilərinin  müşayəti və müğənnilərin ifasında təbrik nəğmələrilə davam edib. 

Mədəniyyət Mərkəzinin bu dəfəki qonaqları Fizika, riyaziyyat və informatika təmayüllü litseyin şagirdləri və Hollandiyadan gələn Adil Vəliyev olub.