Müşfiqabad Mədəniyyət evində tədbir keçirilib

İyunun 1-də Bakı Şəhər Mədəniyyət Baş İdarəsi Müşfiqabad Mədəniyyət evində Uşaqların Beynəlxalq Müdafiəsi Gününə həsr olunmuş tədbir keçirilib.

Tədbirdə Mədəniyyət evinin özfəaliyyət kollektivlərinin və dərnək üzvlərinin iştirakı ilə maraqlı və rəngarəng konsert proqramı təqdim olunub.

Sonda Mədəniyyət evinin bədii rəhbəri M.Cəfərova uşaqları bayram münasibəti ilə təbrik edib və tədbirlərdə fəal iştirak edən dərnək üzvləri fəxrifərmanlarla təltif olunublar.