3 nömrəli Uşaq İncəsənət Məktəbində məktəbdaxili müsabiqə keçirilib

Mayın 04-də Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində məktəbdaxili müsabiqə keçirilib.

Artıq ənənə halını alan irihəcmli əsərlərin ifası üzrə müsabiqə məktəbin “Fortepiano” şöbəsində II-VI  siniflər arasında təşkil edilib.

Müsabiqənin proqramına İ.Haydn, L.Motsart, M.Klementinin sonataları daxil olub. Sonda münsiflər şagirdləri I-II-III yerlərlə mükafatlandırıb.