Martın 7-də Bakı Şəhər Mədəniyyət Baş İdarəsinin Binəqədi Mərkəzi Mədəniyyət Evində 8 Mart Beynəlxalq Qadınlar Gününə həsr olunmuş konsert keçirilib.

Tədbirdə Binəqədi qəsəbə Bələdiyyəsinin sədri Aytac Əliyeva, Binəqədi qəsəbə Nümayəndəliyinin sədri Zakir Əliyev, Binəqədi rayon MKS -nin direktoru Rəna Biləndərli, 205 saylı tam orta məktəbin direktoru Xoşqədəm Bağırova, Səfərbərlik və hərbi xidmətə çağırış üzrə Dövlət Xidmətinin Binəqədi rayon idarəsi Firdovsi Əliyev, Binəqədi rayonunda yerləşən N saylı hərbi hissənin qadın kollektivi və qəsəbə sakinləri iştirak ediblər.

İlk öncə Mədəniyyət Evinin direktoru Şahin Səmədov çıxış edərək qonaqları salamlayıb və bayram münasibəti ilə təbrik edib.

Daha sonra müğənnilər Ruslan Zülfüqarov, Rüfət Əsədov, Asif Əliyev, saksafon ifaçısı Fərid Ağayev, Tural Mehri, Ceyhun Neymətov, Elnur Quliyev ifaları ilə tədbirə rəngarənglik qatıb.

Sonra Mədəniyyət Evinin poeziya dərnəyinin rəhbəri Həsən Həsənov "Analar" adlı şeir səsələndirib, Mədəniyyət Evinin direktoru Şahin Səmədov skripkada ifa edib.

Konsertin sonunda müğənnilər Fəxri Fərmanla təltif olunublar.

baku-art.az